Фановите на Премиер лигата го видоа најбизарниот слободен удар: Пакета се залета, судијата го издрибла Бразилецот (Видео)

Лукас Пакета подзаборави на скандалот со обложување и полека ја остава непријатната епизода зад себе, па иако пред една година се поврзуваше со трансфер во Манчестер Сити, Бразилецот и натаму останува клучен играч на Вест Хем.

ОФанзивниот фудбалер ја стартуваше сезоната со гол против Астон Вила, па иако не се запиша во листата на стрелците против Кристал Палас, сепак во една ситуација го украде шоуто на „Селхрт парк“.

Фудбалските фанови можеа да го видат најбизарниот слободен удар во Премиер лигата, а за такво нешто се погрижи токму Пакета кој се чини дека со право протестираше кај судијата.

Варлтон ја допре топката во подготовката за извежбаната комбинација со Езе, па тоа беше доволно за Пакета да го напушти живиот ѕид и да тргне во контранапад.

Спринтот на Пакета стана вирален хит, а уште поинтересна беше реакцијата на главниот судија Роберт Џонс кој успеа да го издрибла Пакета.

Главниот арбитар реши да ја прекине играта и да даде нова шанса за изведување на слободниот удар, иако според правилата, Пакета беше во право во дадената ситуација.

I promise you no footballer has made me laugh out loud as much as Lucas Paqueta. Look how fast he’s running. Look at Wharton’s face 😭 pic.twitter.com/txBsePQ00c

— GUVNA B (@GuvnaB) August 25, 2024

😂😂😂😂 https://t.co/MZzf9bq3bD

— Lucas Paquetá (@LucasPaqueta97) August 24, 2024