Фановите на Манчестер Јунајтед го кажале својот став во анкетата за изградба на нов стадион

Манчестер Јунајтед направил анкета меѓу своите навивачи во однос на прашањето за изградба на нов стадион или реновирање на актуелниот „Олд Трафорд“ и мнозинството смета дека „црвените ѓаволи“ треба да добијат целосно нов дом.

Од над 50.000 анкетирани фанови, 52 проценти се согласуваат со идејата на новото раководство за нов стадион, додека 31 процент не сакаат преселба од „Олд Трафорд“.

Преостанатите фанови кои учествувале во анкетата не можеле да се одлучат по ова прашање.

Конечната одлука нема да биде донесена до летните месеци, кога раководството ќе има повеќе информации и за соработката со градските власти при секоја од двете опции.

Менаџментот на Јунајтед планира стадион со капацитет од 100.000 гледачи, што е сериозно зголемување во однос на актуелниот стадион.