Фановите на Ју-Ес Опен со поделени реакции за Синер, Италијанецот одговори со победа (Видео)

Јаник Синер го загуби првиот сет од Мекзени МекДоналд и имаше брејк негатива во вториот, но Италијанецот успеа навреме да се прибере и да режира пресврт.

Светскиот рекет број еден го игра Ју-Ес Опен во навистина тешки околности поради драмата која надвисна над неговот име, односно допинг скандалот од кој беше ослободен и покрај пронајдено количество на недозволена сусптанца во неговото тело.

Доказите на Синер беа доволни цврсти за АТП да не изрекува суспензија, но сосема очекувано, Италијанецот доби низа непријатели меѓу колегите, но и меѓу тениските фанови.

Јаник беше пречекан со различни реакции од трибините на својот прв меч во Њујорк, меѓутоа тој вели дека не ги слушал свирежите и се насочил само кон фановите кои му дале поддршка.

– Јас лично почувствував дека одговорот од публиката е одличен. Почувствував многу поддршка и мило ми е за тоа. Нема да ми биде лесно и тоа е јасно. Ќе видиме како ќе проаѓам од ден во ден. Ќе биде интересно да се види како ќе се одвива цела оваа ситуација, особено ако стигнам подалеку на турнирот, – изјави Синер по победата од 3:1.

😳 Jannik Sinner gets booed in his first match back after the news that he failed two drug tests. pic.twitter.com/brVISynbZ8

— Zain | Ban Janeedle Dopener. (@ItzzZain10) August 27, 2024