Фановите на Барса отворија сомнежи: Играч на Леганес намерно дозволи два гола на Реал? (Видео)

Реал Мадрид успеа да направи пресврт и најде решение за неочекувано тешкиот предизвик наречен Леганес, натпревар на кој фаворитот имаше негатива по 45 одиграни минути.

Актуелниот шампион набрзина постигна два гола во вториот дел преку Белингам и Мбапе и се избори за важни три бода во шампионската битка која ја води со Барселона, но начинот на кој стигна до истите отвори и доста сомнежи меѓу фан базата на лутиот ривал.

Фановите на Барса на големо споделуваат едно видео на социјалните мрежи, а преку истото прашуваат дали еден фудбалер на Леганес намерно дозволи два погодоци на домаќините.

Се работи за играчот со број 22 на својот грб, односно дефанзивецот Матија Насташиќ кој имаше две навистина чудни движења при погодоците на Реал.

Најпрво стоеше доста долго во својот шеснаесетник и беше индолентен при голот на Белингам за 2:2, а потоа и се одвои од живиот-ѕид и му олесни на Мбапе да погоди директно од прекин за 3:2.

El jugador número 22 del Leganés se queda parado en el gol de Bellingham y en el gol de Mbappé se abre descaradamente de la barrera, esto es bastante raro… 😳pic.twitter.com/JGS482vGjn

— Zona Blaugrana (@Zona_Blaugrana) March 30, 2025