Фановите на Барса му се нафрлија на еден играч по испуштената победа во Виго: Оди си од клубот, ужасен си (Фото)

Френки Де Јонг го мина цело лето низ процес на рехабилитација и напорно работеше за да се врати на теренот, па иако на првите неколку натпревари остави добар впечаток, вчера се најде на удар меѓу фановите на Барселона.

Холанѓанецот влезе во игра при резултат 0:2 и го замени Гави на 15 минути пред крајот, но со него на теренот, фаворитот прими два гола и испушти сигурни два бода кои до тој момент ги имаше во џеб.

Барселона на крајот се врати од гостувањето кај Селта Виго само со освоен бод, па иако директно влијание имаа Касадо и Кунде, фановите посебно му се нафрлија на Де Јонг на социјалните мрежи.

Симпатизерите на Барса очигледно веќе немаат трпение за играчот кој со години не ги оправда вложените средства, па во текот на изминатите неколку часа го „поздравуваат“ со критики на социјалните мрежи.

– Оди си од клубот…… Не заслужуваш да бидеш капитен….. Те молам, можеш ли да си одиш……… Не си ни потребен…… Оди со што поскоро….. Ужасен си….., – се само дел од пораките кои ги добива Де Јонг.

❗️Many Barcelona fans are asking Frenkie de Jong to leave the club on the player's latest IG post following his performance vs. Celta:

– "Leave my club"
– "You don't deserve the captain's armband"
– "Can you leave? We don't need you" pic.twitter.com/nv3TYI5K8d

— Barça Universal (@BarcaUniversal) November 23, 2024