Фановите лути, легендите на Јунајтед бараат повеќе време за Тен Хаг

Манчестер Јунајтед се најде во комплицирана ситуација во својата група во Лигата на шампионите, а поразот од ФК Копенхаген дополнително го зголеми притисокот врз менаџерот Ерик тен Хаг.

Холандскиот стручњак ја префрли вината за поразот на судиите, но фановите веќе го губат трпението и се почесто бараат итни промени поради лошиот старт на сезоната.

Легендите на клубот како Рио Фердинанд и Пол Сколс имаат поинаков став и бараат повеќе време за Тен Хаг.

– Резултатот е лош, но мислам дека треба да се застане зад менаџерот, – рекол Фердинанд.

– Не мислам дека има доволно притисок над него, имаше добра година и со тоа си купи одредено време. Често мора да се соочува и со сериозни повреди, иако факт е дека 9 порази на 17 натпревари не се посакуван ефект.

– Знам дека Јунајтед често ги отпушта менаџерите втората или третата сезона, но не смееме повторно да си дозволиме вакво нешто. Треба да го оставиме да работи, досега направи некои добри потези, против Копенхаген дојде и тоа несреќно исклучување, мислам дека им недостасуваше лидер на теренот како Касемиро, – вели Сколс.