Фалкао со реакција за новиот начин на прославување на головите

Саботните натпревари во Бундеслигата го вратија елитниот фудбал на програмата, иако реалноста е таква што тие се играат без публика, а сите актери на теренот мора да почитуваат голем број мерки за претпазливост поради коронавирусот.

По дербито меѓу Борусија Дортмунд и Шалке 04, на Твитер реагираше Радамел Фалкао, а причина беше начинот на кој Халанд и неговите соиграчи го прославија првиот гол на средбата.

Оддалеченоста меѓу играчите е еден вид мерка за одржување дистанца, но колумбискиот фудбалер смета дека нема логика за вакво правило, бидејќи во текот на мечот фудбалерите се во постојан контакт.

– Гледајќи го враќањето на фудбалот се прашувам: Постои ли техничка причина да не биде дозволено поблизок контакт меѓу фудбалерите при прославувањето на головите?

– За време на натпреварите ние сме во постојан контакт, кога изведуваме корнер, противничките дефанзивци се врз нашиот грб, – вели Фалкао, со што експресно предизвика дебата на социјалните мрежи.

Viendo el retorno del fútbol me pregunto: ¿Existirá una razón técnica para que no se permita el abrazo en los goles? Durante todo el partido estamos en constante contacto. ¡En un tiro de esquina están los defensores encima tuyo!. En las barreras están todos juntos 🤔

— Radamel Falcao (@FALCAO) May 16, 2020