Фабрегас со прогноза за шампионската трка во Премиер лигата: Ова го кажав и минатата година…

Пред нас е новата сезона во Премиер лигата, а пред самиот старт на истата имаме доста предвидувања во однос на трката за титулата.

Доста познати, легендарни имиња имаа можност да го дадат своето мислење, став на темата, а меѓу нив е и актуелниот тренер на Комо, Сеск Фабрегас.

Фабрегас доста долго настапуваше на островот, знае какви се состојбите, па така според него ќе дојде до промена на врвот и Арсенал ќе биде тој што ќе го турне Манчестер Сити од тронот.

-Навистина ми се допаѓа Микел бидејќи тој е гладен менаџер, многу паметен човек, интелигентен и тактички е добар. Тој има луѓе околу него кои работат многу, многу добро. Тоа што го гледам помеѓу Сити и Арсенал е дека Арсенал е млад тим, полн со глад и тие само растат. Можете да видите дека тие стануваат подобри, се подобри секоја година.

-Со Сити, само чувствувам дека е многу, многу тешко да се биде подобар од она што го направија со освојувањето на тројната круна, четири пати по ред во Премиер лигата, така што можам да ги видам само како паѓаат. Можам само да ги видам како паѓаат или остануваат исти и ова е она што ме прави да чувствувам дека Арсенал потенцијално може да го оствари тоа. Морам да бидам искрен, го кажав истото што го кажувам сега минатата година. Ама јас само гледам, постојано, како Арсенал расте и расте и чувствувам дека ова може да биде година за нив, -вели Фабре кој за Топ 4 вели:

-Арсенал, Сити, Ливерпул и Челси-