Фабрегас сака да донесе уште еден поранешен соиграч во Комо

Сеск Фабрегас повлече интересни потези како тренер во летниот преоден рок каде меѓу играчите кои ги ангажираше беа и неколкумина со кои во минатото беше соиграч дали на клупско или репрезентативно ниво како Пепе Реина и Серхи Роберто.

Предводникот на Комо сега сака со нова „операција“ да доведе уште еден познаник и тоа од времето додека беше во Челси-тоа е Немања Матиќ. Повеќе медиуми на Апенините пренесуваат дека калчолигашот сака да го добие потписот на Србинот кој настапува за Лион, опција која е и прифатлива за самиот Немања под услов да се исполнат неговите финансиски барања.

Фабрегас и Матиќ заедно беа три години во Челси, период во кој беа освоени две титули во Премиер лигата.

Немања во тековнава сезона има одиграно 18 средби за поранешниот француски првак со кого пак има договор до 2026 година.