Фабрегас: Некој мислеше дека ќе се бориме за ЛШ…

Комо по долга пауза повторно е дел од највисокиот италијански фудбалски ранг Серија А, но иако имаше активно лето и ангажираше неколку проверени, докажани имиња од домашната и пошироката европска сцена, тимот се мачи и има само две победи на тринаесет натпревари.

Со вкупно 10 поени Комо е на 17. позиција со само еден бод повеќе од местата кои водат во втората лига, ситуација за која не е загрижен шпанскиот стратег Сеск Фабрегас кој смета дека некои луѓе имале нереални очекувања за овој тим.

-Некои мислеа дека можеме да се бориме за Лигата на шампионите, тоа е нивен проблем. Ние сме Комо, пред пет години немаше ништо овде, а сега сме во Серија А.

-Ни фали квалитет или нешто друго. Имавме одлична шанса да израмниме, но Де Хеа имаше неверојатна одбрана, -порачал Фабрегас, а пренесува „Тутомеркатовеб“.

Комо во следното коло е домаќин на Монца, состав кој го држи 19 место.