Фабрегас му одговори на Куртоа: Секој си ги брани своите интереси, ама Барселона…

Првиот голман на Реал Мадрид, Тибо Куртоа имаше изјава со која ги налути навивачите на Барселона, односно порача дека каталонците не би вистински, достојни шампиони ако оваа сезона не се доигра во шпанската Примера.

Куртоа смета дека тие на двата сезонски меча покажале оти се подобра екипа од големиот ривал (2-0, 0-0), па не би било фер ако мора да се одлучи на зелена маса и титулата да заврши на „Камп Ноу“ без разлика што Барса во моментов е на првото место на табелата со плус два бода во однос на „кралевите“.

Оваа изјава добре и до Сеск Фабрегас кој јасно посочи дека не се согласува со тоа што го кажа белгискиот репрезентативец.

-Секој си ги брани сопствените интереси. Во Монако ние за многу малку останавме без настап во Европа во наредната сезона. Ама ако Примера се прекине (заврши) како во Франција, Барселона ќе биде достоен победник. Не застануваме затоа што сакаме, тоа го правиме поради неизбежна причина, -порача Фабрегас.