Фабрегас го освои првиот бод во Серија А, а лесно можеше и до сите три

Комо воден од тренерот Цеск Фарегас го освои својот прв бод во Серија А откако ремизираа на гостувањето кај Каљари во второто коло од италијанската елитна лига.

Натпреварот на стадионот Унипол Домус на Сардинија заврши со резултат 1:1 (1:0).

Домашните подобро го отворија натпреварот и поведоа на крајот од првото полувреме со голот на Роберто Пиколо.

Во тој период од играта најзабележителен кај гостите беше голманот ветеран, 41-годишниот Шпанец Пепе Реина.

Во продолжението од мечот дојде до уште поголеми возбудувања. Израмни Комо во 53. минута со голот на Патрик Кутроне, поранешен играч на Милан, Вулверхемптон, Фиорентина…

Тимот на Фабрегас најпрвин можеше да направи целосен пресврт во 71. минута кога 19-годишниот Аргентинец Нико Паз, позајмен играч од Реал Мадрид, имаше голема шанса, а Алберто Чери пропушти две прилики на крајот од натпреварот.