ФА Куп: Јунајтед доби нов премиерлигашки предизвик, Сити го доби „убиецот“ на фаворити

Иако се уште не е комплетирана 4. рунда веќе се познати паровите за осминафиналето во англискиот ФА Куп.

Бранителот на титулата Манчестер Јунајтед доби нов премиерлигашки предизвик, па против Фулам ќе посакува сценарио како во претходните две кола во кои ги елиминираше Арсенал и Лестер.

Добра вест за избраниците на Аморим е што против Фулам ќе играат на домашен терен на „Олд Трафорд“.

„Убиецот“ на фаворити, составот на Плимут кој им зема мерки на Ливерпул и Брентфорд без притоа да прими гол (победи од 1-0) оди на мегдан со Манчестер Сити и тоа на „Итихад“.

Битка на елитните клубови во Англија ќе ни понудат и Њукасл-Брајтон и Борнмут-Вулверхемптон, а ждребот е отворен за уште еден таков меч ако Нотингем Форест го добие Ексетер што ќе го однесе на Ипсвич.

Средбите од оваа рунда ќе се играат на 1 и 2 март.

The draw for the fifth round of the FA Cup has been made… ⚽️🏆

What's the stand out tie here? 🤔 pic.twitter.com/oc7zI2T7R5

— Match of the Day (@BBCMOTD) February 10, 2025