Ф1 го остава Ферстапен без омилената трка во календарот (Фото)

Формула 1 денеска информираше дека водечките луѓе успеале да постигнат нов договор за продолжување на соработката на холандското гран-при, но истовремено ја извести јавноста дека трката во Зандворт ќе има свое последно издание во 2026-та година.

Актуелниот договор истекуваше во 2025-та година, но истиот е продолжен за уште едно издание во 2026-та година, кое всушност ќе биде последно во „најбриот циркус во светот“.

Макс Ферстапен на овој начин останува без својата омилената трка во Ф1 календарот, бидејќи четирикратниот светски шампион победи на три од четирите изданија од 2021-ва година наваму.

Ферстапен доминираше на трите премиерни трки на домашно тло, а не победи само оваа година кога побрз од него беше Ландо Норис.

Во веста на Формула 1 се потенцира дека изданието на Зандворт ќе биде последно во Формула 1 во 2026-та година, но истото ќе биде специјално поради фактот што таа сезона ќе се вози и спринт за време на натпреварувачкиот викенд.

BREAKING: Dutch Grand Prix has been extended to 2026

After much consideration and discussion, the decision has been taken by the promoter not to remain on the calendar after 2026#F1 pic.twitter.com/vXoTdkZgl0

— Formula 1 (@F1) December 4, 2024