Евротип Спортските обложувалници го поддржаа меѓународниот шаховски турнир „Голд Фелициа 2024“

Во неделата на 4-ти август во ресторанскиот дел на комплексот „Голд Фелициа“ во Битола се одржа меѓународниот турнир во забрзан шах “Голд Фелициа 2024”.

Овој престижен настан, кој ги собра најталентираните умови од повеќе земји, се покажа како извонреден тест за шаховските вештини и интелектуалната моќ на учесниците.

На турнирот учество зедоа 118 шахисти. Учествуваа шахисти од сите македонски шаховски клубови, шахисти од балканските земји (Грција, Бугарија, Косово, Албанија и Србија), како и шахисти од Франција, Швајцарија, но и од далечната Индија.

Турнирот се играше по „швајцарски систем“ од 9 кола, според правилата на ФИДЕ за забрзан (Рапид) шах, при што турнирот беше пријавен и рејтингуван од страна на Интернационалната шаховска федерација. Резултатите во реално време беа објавувани на веб страната www.chess-results.com.

Модератор на настанот беше Никола Пројчески, а турнирот за отворен го прогласи битолскиот шахист Зоран Попчевски.

На овој меѓународен турнир учество зедоа нашите млади шахисти од сите 4 клубови во Битола кои покажаа дека се на висина на задачата, со своите одлични настапи и импресивни резултати.

Спонзори на овој турнир беа компаниите Голд Фелициа, Евротип Спортските Обложувалници, Голд Слот Клубовите и Премиум Сејфти Солушн – компании кои се дел од КС Групацијата и кои редовно ги поддржуваат сите спортски настани во градот Битола, а и пошироко низ Македонија.

Евротип како горд спонзор на овој шаховски турнир е задоволен од високото ниво на организација на самиот настан како и од спортскиот дух што го покажаа сите учесници. Од менаџерскиот тим на Евротип изјавија дека ова е прв шаховски турнир кој е организиран со нивна поддршка и планираат истиот да прерасне во традиција бидејќи Евротип е пријател на спортот и спортските настани. Исто така истакнаа дека меѓународниот шаховски турнир е одлична платформа за младите таленти да се докажат и да стекнат искуство на меѓународната сцена и нагласија дека ова е само еден од многуте настани што планираат да ги поддржат во иднина.

Турнирот заврши со свечена церемонија на доделување награди, на која најдобрите шахисти добија признанија за своите достигнувања. Присутните имаа можност да уживаат во натпреварите и да видат како младите умови ги надминуваат своите граници.

Со овој настан, Битола уште еднаш докажа дека е град на спортот и интелектот, подготвен да поддржи и да промовира млади таленти кои ќе ја носат нашата гордост на меѓународната сцена.