Евролигашките судии едвај спасуваа жива глава во „пеколот“ во Белград (Видео)

Црвена Звезда загуби на драматичен начин од Жалгирис и практично остана без шанси за плеј-ин во Евролигата, но начинот на кој дојде до вакво сценарио направи да видиме бура во „Штарк арената“.

Во самата завршница, гостинскиот играч Кинан Еванс се чини дека ја нагазна линијата на средина на теренот и во дадената ситуација топката требаше да и припадна на Звезда, но бидејќи на крајот не можеше да се враќа одлката, атмосферата во салата стана пеколна за судиите.

Навивачите на Звезда беснееја и почнаа да фрлаат предмети на теренот, но посебно беше драматично кога евролигашките судии се обидоа што побрзо да избегаат од теренот.

Реалноста е дека тројцата судии спасуваа жива глава и мораа да бидат извадени од теренот со подвижни штитови составени од обезбедувањето, па на овој доста драматичен начин се заокружи натпреварот кој заврши 91:93.

Звезда сигурно ќе сноси последици за овој инцидент и ризикува голема парична казна, но и затворање на дел од трибината за наредните натпревари на домашен терен.

View this post on Instagram

A post shared by Sport Klub (@sport.klub)

pic.twitter.com/8gb2BylpmQ

— OvoOno (@OvoOnoX) February 9, 2024