Евролига: Шампионот влезе во победнички ритам, Барса ја доби шпанската пресметка

Десеттото коло во Евролигата беше комплетирано со вечерашните пет натпревари, од кои во фокусот се најдоа оној на шампионот Ефес, како и шпанската пресметка меѓу Барселона и Басконија.

Анадолу Ефес полека ја остава кризата зад себе и лошиот период изгледа дека е минато, бидејќи билансот од 2:5 изгледа многу подобро со третата победа во низа.

Турскиот тим стигна до трет триум во низа на гостувањето кај Виртус Болоња без Шејн Ларкин, што прави победата од 80:85 да има уште поголемо значење за бранителот на титулата во кошаркарската елита во Европа.

Клибурн со 21 и Беабоу со 19 поени беа најдобри поентери во победничкиот тим, додека најефикасен на средбата беше Лундберг со 22 поени од таборот на противникот.

Во шпанската пресметка, Барса во последниот период ја доби битката со Басконија и на крајот дојде до комотна победа од 96:84, што прави тимот да избие на четвртата позиција на табелата.