Поврзете се со нас

Евролига

Евролига: Реал ја отвори сезоната со победа, Фенербахче сигурен во Германија

Објавено

на

Фото: twitter.com/RMBaloncestо

Кошаркарската Евролига ја отвори новата сезона со пет натпревари, а еден од поинтересните беше дуелот меѓу Панатинаикос и Реал Мадрид, кој им припадна на гостите (68:71).

Предводени од новиот тренер Матео Диез, членовите на Реал остварија триумф на жешкиот терен во Атина, иако ПАО не се предаваше до самиот крај и се обидуваше да му ги расипе сметките на фаворитот.

Таварес со 14 и Муса со 13 поени беа најефикасни во составот на Реал, додека Вилијамс со 15 поени се истакна во редовите на грчкиот прволигаш.

Фенербахче рутински го совлада Баерн Минхен (62:74), на дуел кој беше решен во третиот период и на кој најефикасен кај гостите бил Џекири со 15 поени.

Барон со 18 и Мели со 16 поени го предводеа Милано до победа на гостувањето кај Асвел (62:69), Макаби славеше против Жалгирис со минимални 84:83, а шпанскиот дуел Валенсија-Басконија им припадна на гостите со резултат 71:81.

Реклама
Реклама
Реклама

Популарни