Евроголот на Калафиори го разбесни Гвардиола: Пеп изведе карате удар на „Итихад“ (Видео)

Големото дерби меѓу најдобрите две англиски екипи понуди доста содржајно прво полувреме, во кое видовме една незгодна повреда,  еден црвен картон, но и дури три гола.

Манчестер Сити отвори подобро и поведе со голот на Ерлинг Халанд, но потоа следеше незгодната повреда на Родри по која играчите на Пеп Гвардиола го загубија здивот.

При еден прекин во кој Вокер бараше објаснување од Мајкл Оливер, Арсенал изведе фантастична акција по која Калафиори постигна еврогол за паметење, но првиот гол на Италијанецот во дресот на „топчиите“ ги осоколи гостите да тргнат и по втор.

По една фантастична акција од корнер, Арсенал направи пресврт со голот на Габриел, но пред крајот на првиот дел, Тросар заработи втор жолт картон и предвреме го заврши дербито.

Оваа судиска одлука го остави Артета во неверица, но тој реагираше доста поблаго од Пеп Гвардиола, кој едноставно беснееше и изведе карате удар во својот стол по примениот гол за 1:1.

Реакцијата на Гвардиола погледнете ја ТУКА

Евроголот на Калафиори погледнете го ТУКА