Поврзете се со нас

Англија

Евра: Жиру има само еден проблем, тоа е неговото име!

Објавено

на

blank

Патрис Евра како стручен аналитичар на „Скај Спортс“ денеска е главен гостин во студиото, а оттаму пристигнаа неколку интересни изјави за дуелот кој го имаше Манчестер Јунајтед, но и оној меѓу Челси и Лидс кој се игра во ноќниот термин од 21:00 часот.

Поранешниот дефанзивец на Манчестер Јунајтед во најавата за мечот со Челси одлучи да му даде огромно признание на својот сонародник Оливие Жиру, кој според голем дел фудбалски ескперти е една од најпотценетите фудбалски ѕвезди, не само во Премире лигата, туку и во светски рамки.

Истото мислење го дели и Евра, кој пак на свој карактеристичен начин, се обиде да објасни кој е единствениот проблем кој го има искусниот напаѓач на Челси кој постигна четири гола на мечот со Севилја, а во првото полувреме постигна гол и против Лидс.

– Јас мислам дека Жиру има само еден проблем, тоа е неговото име. Ако се викаше Жирудињо или нешто слично, сите луѓе ќе го сакаа него.

– За мене, тој е најкомплетниот напаѓач кој го има Челси во тимот и не сфаќам зошто секогаш е некако во втор план. Дури и во нациоанлниот тим луѓето го доведуваат во прашање неговиот стил. Истото беше и во Арсенал, и таму наидуваше на критики, а тој секогаш ја подигнува формата едно ниво погоре и поради тоа толку многу го сакам Оливие.

– Ако бев менаџер и го имав во тимот, тој секогаш ќе биде во првиот тим. Секоја сезона слушаме некоја трансфер сага за Жиру, но тој е најдобриот напаѓач на Челси во овој момент, – заврши Евра.

Реклама
Реклама
Реклама

Facebook

Популарни