Евертон се одлучи за сигурно решение и го назначи наследникот на Бенитез (Фото)

Евертон го отпуши Рафаел Бенитез по ужасната низа во која западна првиот тим на последните десетина натпревари во Премиер лигата, па сега раководството брзо најде привремено решение кое е дефинитивно испробана опција.

Клубот од „Гудисон парк“ го назначи легендарниот Данкан Фергусон за нов привремен менаџер, што ќе биде второ вакво искуство за поранешниот играч на првиот тим по она во 2019-та година.

Шктоланѓанецот без размислување се ставил на располагање на водечките луѓе на клубот и прифатил да го води првиот тим на наредните неколку натпревари, по што се очекува Евертон да донесе и дефинитивна одлука за перманентен менаџер.

Фергусон освои пет бода на три првенствени меча на кои го водеше Евертон во 2019-та година, па останува да видиме сега колку ќе се задржи и дали ќе добие и поголема шанса од раководството.

Тоа ќе зависи од изборот на тренери кои Евертон ќе ги најде на трансфер пазарот, па поради тоа во официјалното соопштение на „карамелите“ се вели дека перманентниот менаџер ќе биде објавен во „догледно време“.

🔵 | Duncan Ferguson has been appointed as caretaker manager for our upcoming games.

He will be supported by John Ebbrell and Leighton Baines, along with Goalkeeping Coach Alan Kelly.

— Everton (@Everton) January 18, 2022