Евертон се обидел да донесе засилување од Милан, фудбалерот го одбил премиерлигашот

Премиерлигашите не штедеа пари и во јануарскиот преоден рок, но дел од нивните понуди останаа нереализирани и покрај атрактивните финансиски услови.

Еден неуспешен трансфер е поврзан со Евертон, тимот кој ќе се бори за опстанок и кој очајно се обидел да ангажира искусен напаѓач во последниот ден од преодниот рок.

„Карамелите“ испратиле понуда до ветеранот Оливие Жиру, обидувајќи се да го привлечат со атрактивна плата, но Французинот ја одбил идејата без многу размислување.

Евертон му понудил соработка на Жиру до крајот на сезоната, со можност за продолжување на истата ако екипата остане во елитата. Во таква варијанта, Жиру би добил годишна плата од речиси 9 милиони евра, но и тоа не било доволно за да се добие согласноста на напаѓачот.

Жиру има искуство во Премиер лигата каде настапуваше за Арсенал и Челси, а постигна 90 погодоци во ова првенство.