Евертон подготвува отказ за Дајч, јасен е првиот фаворит на фановите и клубот

Лошиот старт на Евертон го запали алармот во клубот уште по само неколку кола, а раководството веќе размислува за отказ за актуелниот менаџер Шон Дајч.

Англиските медиуми пренесуваат дека клубот планира да направи промена за да овозможи евентуално будење на екипата додека се уште има време, а веќе е познат и фаворитот за наследник на Дајч.

Се работи за искусниот Дејвид Мојс, кој токму како менаџер на Евертон се истакна на англиската фудбалска сцена, а ги одведе „карамелите“ и до пласман во Лигата на шампионите.

Престојот и солидните резултати во Евертон на Мојс му овозможија да биде назначен и за наследник на Алекс Фергусон во Манчестер Јунајтед, но таму не успеа да ги оствари посакуваните резултати. Мојс во моментов е без ангажман, а последно го водеше Вест Хем.

По три рунди во Премиер лигата, Евертон има исто толку порази и е на дното на табелата во Премиер лигата.