Еурофарм Пелистер врати добро познато лице како големо летно засилување (Фото)

Еурофарм Пелистер е на подготовки во Златибор и ги загрева моторите за новата сезона која следи, а денеска на првиот тим му се приклучил едно добро познато лице.

Македонскиот шампион со огромно задоволство соопшти дека по вторпат реши да го ангажира Усама Хосни, Тунижанецот кој веќе ги радуваше ракометните фанови во Битола со своите голови пред две сезони.

Хосни си замина од Битола лани по освоената шампионска титула, но по кратката авантура во Кувајт, сега на 31 година повторно е мотивиран да го носи зелено-белиот дрес.

Тунижанецот сигурно пристигнува како големо засилување за Лигата на шампионите, но како што вели самиот, главна цел ќе бидат титулите во националните првенства.

– Во ростерот има многу ракометари со кои играв. Среќен сум пораид тоа што се врартив на познато место. Го познавам градот и целта ќе биде да освоиме три титули во Македонија. Ќе се обидеме да бидеме подобрри во Лигата на шампионите, а зошто да не оставриме и победи, – изјави Хосни.