Еурофарм Пелистер се пофали со потписот на искусен дански бек

Еурофарм Пелистер пред неколку дена го прекомандува Петар Атанасијевиќ од вториот во првиот тим, а денеска тренерот Ларс Валтер доби позитивна вест за уште едно засилување во тимот.

Ракометниот клуб од Битола се подготвува за вториот дел од сезоната во која ќе има настапи во Лигата на Европа, па по тој повод успеа да договори и едно интернационално засилување.

Пелистер преку официјалните профили на социјалните мрежи потврди дека е осигуран потписот на искусен лев бек, кој ќе биде промовиран во текот на следната недела.

– 30-годишниот лев бек Каспер Кисум доаѓа во Битола од тимот на Сондерјуске, а во својата кариера настапуваше за тимовите на Рингштед, Нордсјаленд, Фленсзбург, Битенфелд, Хановер, Феникс Тулуз.

– Кисум за неколку дена ќе му се стави на располагање на тимот и стручниот штаб. Официјалното претставување е предвидено следната недела во клупските простории, – гласи објавата на Пелистер.