Еурофарм Пелистер одигра извонреден натпревар и го „скрши мразот“ во Европа

Жељко Бабиќ најави дека ќе ја промени стратегијата за денешниот меч против Тримо Требње, а оваа храбра одлука направи да ја видиме првата победа на Еурофарм Пелистер во Лигата на Европа.

Македонскиот претставник од Битола ги лимитараше техничките грешки на минимум, па на крајот оствари и нависитна комотна победа против тимот од кого загуби на претходната пресметка.

Составот од Словенија не можеше да ја повтори играта од првиот меч, а голема заслуга за тоа имаат избраниците на хрватскиот стручњак, кој конечно успеа да го подреди својот тим онака како што сака, па со убедливо најдоброто издание во Европа, стигна и првата победа.

Пелистер имаше предност од 20:14 на полувремето и успеавше да ги контролира случувањата на теренот, па откако продолжи доминацијата и на стартот на вториот дел, стана јасно дека ќе нема непосакуван пад во темпото.

На крајот, битолчани славеа со 33:26, а убедливо најдобар на теренот беше Стипе Мандалиниќ со 11 постигнати гола со перфектен учинок, додека шест постигна Кушан.