Еурофарм Пелистер немаше сили да го изненади фаворитот Веспрем

Еурофарм Пелистер немаше сили да му парира на фаворитот Веспрем и забележа пораз (33:26) во групната фаза на ракометната Лига на шампиони.

Унгарскиот ривал не дозволи драма во ниту еден момент и го отвори натпреварот со серија 5:0, за до крајот на полувремето рутински да стигне до предност изразена со резултат 20:11.

Македонскиот шампион немаше можност да направи нешто повеќе во продолжението, но барем ја намали негативата во првиот пораз по серијата во која освои три бода.

Кузмановски со 6 и Радивојевиќ со 5 голови беа најефикасни во редовите на битолчани, додека кај Веспрем, Фабрегас и Косоротов стигнаа до 7 голови.

По девет одиграни рунди, Еурофарм Пелистер останува на 4 бодови и на делба на шестото место со Висла која денеска ја победи Фредериција.