Еурофарм Пелистер го потврди ангажманот на младиот Мараш

Крајот на сезоната во Првата македонската ракометна лига им овозможи на клубовите да кројат планови за наредната сезона многу порано од очекуваното, па во иницијалните подготовки за она што треба да преставува пресезона, Еурофарм Пелистер денеска се пофали со еден договорен трансфер.

Клубот од Битола неодамна беше купен од Еурофарм и тоа значеше далеку постабилна слика од претходно за ракометниот великан од Македонија, за кој наредната сезона ќе игра талентираниот Хрват, Матео Мараш.

Еурофарм Пелистер денеска соопшти дека 20-годишниот ракометар пристигнува од редовите на Балиќ Метличиќ од Сплит, а станува збор за ракометар кој веќе се запозна со Скопје, бидејќи беше дел од кадетскиот состав на Хрватска кој настапи на Светскот првенство кое се одржа во нашиот главен град.

Според најавите, следна цел на Пелистер е уште еден хрватски ракометар, искусниот пивот Томислав Кушан.