Еурофарм Пелистер договори засилување од Франција (ВИДЕО)

Македонскиот ракометен прволигаш Еурофарм Пелистер активно работи на формирање на што подобра екипа за наредната сезона, па така по ангажманите на Марко Кизиќ и Немања Обрадовиќ договорен е Реиние Табоада.

Табоада е репрезентативец на Куба кој во Битола доаѓа од францускиот тим Данкерк. Табоада има 23 години, висок е 192 сантиметри и може да ги покрие позициите среден и лев бек.

Сезонава во францускиот шампионат има настапено на 24 натпревари и постигнот 68 погодоци (2,83 гола по натпревар). Кога е пак во прашање целата негова кариера во Франција има 66 натпревари и 164 гола (2,48 гола по натпревар).