Еурофарм Пелистер 2 против австрискиот вицепрвак на стартот во Лига Европа

Еурофарм Пелистер 2 ќе го има својот деби настап на европската сцена ова лето, а попладнево го дозна ривалот кој ќе го има во првото квалификациско коло во Лигата на Европа.

Вториот тим на битолската гордост добија навистина сериозна задача уште на стартот, бидејќи во воведната квалификациска рунда ќе играат против австрискиот вицепрвак.

Алпла Хард ќе биде ривалот на Еурофарм Пелистер, што сепак е поволна ждрепка со оглед на тоа што имаше многу посилни екипи во делот кај неносителите.

Првиот натпревар ќе се игра на крајот на месец август (27 или 28), додека реваншот е во Битола на стартот на септември (3 или 4).

Бутел како втор македонски претставник во квалификациите ќе го дознае својот ривал во втората рунда на 6-ти септември, а од претходно познато е дека Еурофарм Пелистер доби директно место во групната фаза.