Еуро Никел ја освои Гевгелија, Гостивар продолжи да „грми“ во „Младост“

Составот на Еуро Никел издвојува победа над Кожув од 77-75 во последната средба од денешната програма во првата кошаркарска лига.

Средбата во Гевгелија беше доста борбена, неизвесна, а како пресудна за победата се покажа завршната четвртина на гостите кои ја добија со 26-20.

Ова за кавадарчани беше десетти сезонски триумф во кој се издвоија Балмазовиќ со 19, Планинииќ со 16 и Соколов со 15  кошеви. Гордон со 22 поени беше најсветла точка кај поразениот тим.

Гостивар пак продолжи да „грми“ во „Младост“ каде има осум од осум, односно најнова жртва е Навико Академија ФМП која беше совладана со 87:79.

Ефремовски и Вучковиќ искомбинираа 47 поени, во гостинската екипа пак блескаше Смит-Меквејн кој даде 29 поени.