Ето верува во чудо: Камерун може да ја освои титулата на СП

Прославениот африкански напаѓач и сегашен прв човек на фудбалската федерација на Камерун, Самуел Ето верува дека неговите сородници можат да ја освојат титулата на Светското првенство кое годинава се игра во Катар.

Ова за Камерунците ќе биде осми настап на мундијалите, а во групната фаза ќе ги одмерат силите со Бразил, Србија и Швајцарија.

-Не гледам зошто да не можат да го освојат. Верувам дека за да го освоите Светското првенство не треба да бидете чудовишта или вонземјани, потребна ви е добра подготовка, силен менталитет и малку лудост. Победував во кариерата, дадав се од себе тоа да го направам.

-Секогаш го земам Интер како пример: никој на почетокот на сезоната 2009-10 не мислеше дека можеме да ја освоиме [Лигата на шампионите] и наместо тоа, Мурињо направи нешто лудо, со група мажи и воини. Би сакал такво нешто и за Камерун, -порача Ето.