„ЕСПН“ воведе специјална „Мбапе камера“ за дебито на Французинот во Ла Лига

Килијан Мбапе вечерва ќе дебитира за Реал Мадрид во шпанското фудбалско првенство, а американската телевизиска мрежа „ЕСПН“ реши да воведе дополнителна опција за неговите фанови, за гостувањето на шампионот кај Мајорка.

Французинот дефинитивно е една од најголемите светски фудбалски ѕвезди и настапите во дресот на Реал ќе предизвикаат дополнително внимание кон шпанскиот великан, а „ЕСПН“ потврди дека воведува „Мбапе камера“.

Тоа значи дека претплатниците на оваа мрежа ќе можат да си изберат специјална алтернатива на директниот пренос од дуелот меѓу Реал и Мајорка, а тоа би значело следење на натпреварот преку камера која ќе го следи исклучиво Мбапе и секое негово движење на теренот.

– Ќе има посебен пренос со камера фокусирана само на потезите на Мбапе.

– Таа ќе ги следи сите негови движења, спринтови, неговите емоции и ќе го следи по цел терен, – изјавил претставник на „ЕСПН“.

🚨🚨| ESPN is introducing a special ‘Mbappé Cam’ tonight to broadcast his La Liga debut against Mallorca. ⚪📺 pic.twitter.com/cR9KHwDySk

— CentreGoals. (@centregoals) August 18, 2024

Натпреварот Мајорка-Реал Мадрид вечерва започнува од 21:30 часот.