Ерупција во Венецуела: Винисиус изведе лош пенал, па се посрамоти со обидот „од втора“ (Видео)

Бразил пропушти шанса да врзе трета победа во низа во квалификациите за Светското првенство, а главен виновник за тоа е Винисиус Жуниор кој не реализираше пенал во вториот дел.

Венецуела одговори на голот на Рафиња и успеа да израмни на стартот на второто полувреме, па иако во продолжение Бразилеците се обидуваа на секаков начин да дојдат до ново водство, на крајот не успеаја во тоа.

„Кариоките“ беа најблиску до такво нешто во 62-та минута, кога Винисиус изведе пенал за кој самиот се избори, но тоа го направи навистина лошо.

Млакиот удар беше лесно одбранет од голманот Рафаел Ромо, а вистинска ерупција на стадионот „Монументал де Матурин“ следеше по второто промашување при одбиената топка.

Винисиус не го погоди ниту голот при вториот обид со лева нога, сценарио по кое буквално се тресеа трибините на стадионот во Венецуела.

Rafael Romo le tapó un penal a Vinícius Júnior en el juego de las eliminatorias sudamericanas para la Copa Mundial de la FIFA 2026 entre las selecciones de Venezuela (la Vinotinto) y Brasil, en el Estadio Monumental de Maturín, en el estado Monagas. pic.twitter.com/xk4npVSbMT

— Darvinson Rojas Sánchez (@DarvinsonRojas) November 14, 2024