Ерупција во Белград: Црвена Звезда го торпедираше германскиот вицешампион (Видео)

Црвена Звезда го почна натпреварот против Штутгарт како сите четири претходно во Лигата на шампиони, но вечерва српскиот првак имаше силен мотив за надигрување, но и доволно знаење за да возврати и да режира чудесен пресврт.

Штутгарт поведе во 5-та минута со голот на Демировиќ, но Звезда одговори седум минути подоцна преку Силас и ја презема теренската иницијатива на стадионот „Рајко Митиќ“.

Српскиот тим играше како во транс и успеа целосно да го неутрализира германскиот вицешампион, па откако му даде уште еден гол преку Круниќ во 31-та минута, најави дека нема да го брани водството на стартот на вториот дел.

Доказ за тоа беше погодокот на Иваниќ за 3:1, по што следеше гол-шоу на Радониќ за неверојатни 5:1 за Црвена Звезда.

„Црвено-белите“ на овој начин ги освоија првите три бода во тековната сезона во Лигата на шампиони, па сега имаат и реални шанси да се надеваат за пласман во баражот во најелитното натпреварување.