Ерупција од емоции: Безвременскиот Навас го одигра последниот натпревар на „Писхуан“ (Видео)

Хесус Навас после 21 година во Севилја го одигра последниот натпревар на „Рамон Санчес Писхуан“, а сосема очекувано, тоа донесе многу емоции и солзи во Андалузија.

Иако го продолжи договорот на крајот на минатата сезона, легендарниот капитен на стартот на оваа сфати дека нема да може да ја доигра цела, сето тоа како последица на хронична повреда на колкот.

Навас пред три месеци откри дека има денови и кога не може да стане од креветот, но и покрај тоа, смогна сили да ја заврши 2024-та година на теренот и достојно да се прости од своите навивачи.

Хесус беше стартер на денешниот натпревар против Селта Виго кој неговата Севилја го доби со 1:0, па така соиграчите се погрижија на најдобар начин да го испратат од неговиот фудбалски храм.

Навивачите на Севилја се погрижија ноќта да биде специјална и незаборавна за играчот со најмногу настапи за Севилја во историјата, клуб во кој Хесус настапуваше во два наврати.

Најпрво беше член од 2000-та до 2013-та година, четири години мина во Манчестер Сити, а од 2017-та година наваму повторно го носеше дресот на матичниот клуб.

Доскорешниот шпански репрезентативец денеска го одигра последниот меч на домашен терен, но всушност последниот фудбалски танц ќе го има на натпреварот против Реал Мадрид на „Сантијаго Бернабеу“.

🇪🇸❤️ Incredibly emotional day for Jesus Navas. It's his last home game for Sevilla… 🥹 (@LaLiga) pic.twitter.com/s4E5dxHrhj

— EuroFoot (@eurofootcom) December 14, 2024

🔴⚪️ Emotional content by @SevillaFC as Jesús Navas says goodbye after playing his last home game ahead of retirement.

Legend of the club. 🥺👏🏻 pic.twitter.com/Mz3TZcvyi8

— Fabrizio Romano (@FabrizioRomano) December 14, 2024