Ерупција на „Сент Џејмс Парк“: Њукасл ќе игра во финалето на Лига Купот по пауза од 47 години (ВИДЕО)

Екипата на Њукасл е првиот патник во финалето на англискиот Лига Куп (Карабао Купот) и тоа откако вечерва по вторпат беа подобри од составот на Саутемптон.

Момците на Еди Хау минатата седмица славеа со 1-0, додека пак вечерва триумфираа со 2-1 и со тоа донесоа огромна радост на „Сент Џејмс Парк“. Лонгстаф даде два гола во 5 и 21 минута, а пак автор на единствениот погодок на гостите беше Адамс во 29 минута.

Ова за Њукасл е прво Куп финале по 1999 година (ФА Купот) и нивно прво Лига Куп по пауза од 47 години, поточно од 1976 година. Со ова популарните „страчки“ испишаа историја затоа што никој досега во историјата на ова натпреварување не чекал толку долго одново да биде во ситуација да се бори за трофејот.

47 – Newcastle have qualified for their first major cup final since 1999 (FA Cup), and their first League Cup final since 1976. Indeed, this gap of 47 years between League Cup final appearances is the longest for any team in the competition’s history. Return. pic.twitter.com/B19F7TgMlO

— OptaJoe (@OptaJoe) January 31, 2023

Најверојатно ривал за пехарот на „Вембли“ ќе му биде Манчестер Јунајтед кој го разби Нотингем Форест со 3-0 во првиот дуел на „Сити Граунд“.