Ернандес го прекина молкот и им се обрати на соиграчите и навивачите на Милан (Фото)

Тео Ернандес наиде на рафал од критики во јавноста откако го остави својот тим на цедило против Феенорд, натпревар на кој вчера беше исклучен поради симулирање на пенал.

Вториот жолт картон значеше дека Милан останува со играч помалку, ситуација од која максимално профитираше Феенорд кој израмни на 1:1 и се пласираше во осминафиналето.

Со оглед на статусот кој го има во тимот, Французинот претрпе многу критики за својата постапка во изминатите 24 часа, па сега тој почувствува потреба јавно да им се извини на соиграчите, но и на навивачите.

– Фудбалот е непредвидлив: Ни носи големи радости, но и болни моменти. Денес чувствувам огромна фрустрација. Им се извинувам на моите соиграчи кои ги оставив со играч помалку, им се извинувам на сите навивачи кои секогаш не поддржуваат.

– Но, овој клуб е семејство и заедно треба да се опоравиме од ова. Да останеме сите заедно, Форца Милан, – порача левиот бек.

View this post on Instagram

A post shared by T H E O H E R N Á N D E Z (@theo3hernandez)