Ерера го „откри“ планот на Нејмар и Мбапе за наредната сезона: Ми кажа…

Нејмар и Килијан Мбапе се двете главни ѕвезди на францускиот шампион Пари Сен Жермен кој во нив гледа главни столбови за проектот и остварување на сонот, освојување на Европа.

Меѓутоа како Бразилецот така и Французинот се поврзуваат со заминување од Париз, првиот со можна преселба во Барселона, додека пак вториот со Реал Мадрид и Ливерпул. Многу се пишува, шпекулира на оваа тема, но според Андер Ерера ниту еден од нив нема да си замине од таборот на „светците“ во наредниот преоден рок.

-Мбапе и Нејмар се уште се во ПСЖ и уште повеќе со ситуацијава во која се наоѓаме. Вечерав со Нејмар пред карантинот и тој е многу вклучен во проектот. Тој ми рече дека никогаш не бил толку среќен во Париз. Проектот на ПСЖ е таков што обајцата се чувствуваат исполнети во Париз, -истакна искусниот шпански интернационалец.