Епски пресврт и гол за паметење: Капитенот на Казахстан го „торпедираше“ Шмајхел (Видео)

Иако во тек се само првите две рунди од квалификациите за Европското првенство, се чини дека ова попладне добивме сериозен кандидат за најубав гол во овој циклус, и тоа на првиот меч во неделната програмата.

По сигурната победа над Данска, тимот на Хјулманд беше на добар пат да победи и во Астана, но домашните фудбалери се погрижија за чудесен пресврт и остварија незаборавна победа.

Казахстан губеше 0:2 до 73-та минута, но потоа направи сензационален кам-бек и на крајот победи со 3:2 во луд натпревар кој сигурно уште долго ќе го паметат сите оние кои беа присутни на „Астана арена“.

Младиот Хојлунд постигна два гола за предност на Данска во првото полувреме, но Казахстан се врати во игра преку Зајнутдинов, Тагиберген и Ајмбетов кој го комплетираше пресвртот во 89-та минута.

Од сите пет постигнати гола, убедливо најдобар беше оној на капитенот Тагиберген, бидејќи играчот за врска испрати страшен удар и го „торпедираше“ Каспер Шмајхел.

Мајсторијата погледнете ја со клик ТУКА