АТП

Епска завршница: Еванс направи чудо во најдолгиот меч во историјата на Ју-Ес Опен (Видео)

Објавено

на

28 август, 2024

Од

Тони Андонов

Foto:x.com/usopen

Даниел Еванс и Карен Хачанов се имаа сретнато четири пати пред нивниот меч од првото коло на Ју-Ес Опен, а епилогот во Њујорк на крајот беше ист како во сите претходни наврати.

Русинот едноставно нема решение за играта на британскиот тенисер и тоа најдобро можеше да се заклучи од последниот меч на Ју-Ес Опен, каде на Карен не му беше доволна и позитива од 4:0 во петтиот сет.

Во петтиот гејм од сетот, Еванс успеа да спаси четири брејк топки и не дозволи 5:0, а потоа направи сензационален кам-бек и освои шест гејма во низа.

Британецот режираше чудо и го доби петтиот сет со 6:4, но овој меч ќе се памети и поради тоа што е најдолг во историјата на последниот тениски грен слем.

Еванс и Хачанов водеа битка 5 часа и 35 минути, што беше доволно да се надмине досегашниот рекорд на Штефан Едбер и Мајкл Чанг од полуфиналето во 1992-ра година кое траеше 5 часа и 26 минути.