Поврзете се со нас

Германија

Епилог од долгиот состанок: Борусија остана без тренер, клубот излезе со објаснување

Објавено

на

Foto:twitter.com/BVB

Бундеслигашот Борусија Дортмунд и тренерот Марко Розе одлучија да тргнат по различни патишта, односно донесоа одлука за прекин на сорабоката која започна пред една година.

Ова е епилогот од интензивниот состанок кој траел неколку часа вчеравечер, а од кој дел биле Розе, Ханс Јоаким Вацке, Михаел Цорк, Себастијан Кел и Матијас Замер.

Борусија во официјално соопштение му се заблагодари на тренерот кој заврши втор во Бундеслигата, но кој сепак не ги оправда очекувањата и потфрли во Европа. „Милионерите“ најпрво разочараа во Лигата на шампионите, а потоа доживеаја и рана елиминација во нокаут рундата во Лигата на Европа.

– Овој ден не е лесен за никој од нас, меѓусебната почит е голема и ќе остане голема. По крајот на сезоната која е означена како недоволно добра од различни причини, извлековме заклучок дека не го извадивме максимумот од тимот, – вели Вацке.

– И покрај тешката сезона, јас бев убеден дека одиме по вистинскиот пат. Во текот на разговорот, добив впечаток дека веќе не постои 100 процентна верба меѓу сите одговорни. На крајот решивме да ја прекинеме соработката, – вели Марко Розе.

Борусија Дортмунд сега погледите ќе ги сврти кон летниот преоден рок, но пред да го направи тоа, ќе мора да назначи и нов лидер на проектот во вид на тренер.

Реклама
Реклама
Реклама

Популарни