Ентони за Богдановиќ: Сакав да му аплаудирам, ама не можев (ВИДЕО)

Кошаркарскиот турнир на Олимписките Игри завршија со победа на главниот фаворит за златото селекцијата на Соединетите Американски Држави.

Иако многумина помислија дека Американците ќе се прошетааат до „пехарот“ тие се соочија со доста предизвици особено во завршните две рунди, полуфиналето и финалето каде за ривали ги имаа Србија и Франција.

Најголем проблем за нив дефинитивно беа Србите кои имаа контрола на играта и резултатот три четвртини за да во последниот период работите се променат и избраниците на Кер се провлечат во битката за златото каде потоа го совладаа домаќинот.

Во полуфиналето Богдан Богдановиќ имаше одредени препирки, гестови кон Кармело Ентони кој беше крај аут линијата, ситуација која донесе доста коментари од јавноста пред се онаа во САД.

Популарниот Мело доби шанса да проговори за истата, па порача:

-Тој (Богдан) е мој човек. Не, не беше (непочитување). Беше во реално време, се случуваше вистинска работа. Ми се допадна како играше, бев во фазон „добар шут Богдан“, „Тоа ми се допаѓа“, „те гледам“. Значи, тоа беше повеќе почит, знаеш.

-Ценам што ја заземате мојата страна, но тој само покажуваше љубов. Тоа беше восхит. Јас како навивач сакав да му аплаудирам кога ги погоди тие тројки. Сакав да навивам, но повторно не можев да покажам емоции, -истакна Кармело.

“That’s my son right there.”

– Melo on Bogdan Bogdanović 😂

(🎥 @7PMinBrooklyn )

pic.twitter.com/6BcQaucCZI

— NBACentral (@TheDunkCentral) August 15, 2024