„Енфилд Роуд“ останува неосвоива тврдина: Ливерпул сигурен против Брентфорд (ВИДЕО)

Екипата на Ливерпул ги остави зад себе неуспесите против Лутон (1-1) и Тулуз (3-2) и оствари сигурна победа над Брентфорд од 3-0 во средбата од 12. коло во Премиер лигата.

„Енфилд Роуд“ е неосвоива тврдина за сите тимови во досегашниот дел од сезонава, поточно избраниците на Клоп ги имаат добиено сите мечеви на овој терен и тоа во ПЛ, англискиот Лига Куп и Лига Европа. Последна жртва беше Брентфорд кој беше испратен со три „парчиња“ во својата мрежа и тоа од страна на Салах (2) и Жота.

„Црвените“ сега имаат 27 бода исто како Манчестер Сити и Арсенал.

Во терминот од 15 часот се одиграа уште три дуели, Астон Вила беше поуспешна од Фулам со 3-1, Вест Хем го доби соочувањето со Нотингем Форест (3-2), а Брајтон освои само бод против Шефилд Јунајтед (1-1).