Ендрик им се извинил на соиграчите и Анчелоти за потегот на дуелот со Алавес

Реал Мадрид во вторникот го победи Алавес, но овој натпревар донесе и неколку непријатни моменти за фаворитот.

Покрај двата примени гола за краток период и опасноста од губење на два бода, Килијан Мбапе го напушти теренот поради повреда, а Ендрик ризикуваше црвен картон со еден непотребен старт.

И додека Мбапе дефинитивно ќе мора да паузира неколку недели, Ендрик им се извинил на соиграчите и на тренерот Карло Анчелоти поради непромислениот потег, со кој ги стави во ризик неговиот тим и резултатот на средбата на која Реал беше голем фаворит.

„Марка“ во денешниот текст пренесува дека Бразилецот е свесен дека погрешил и ветил дека веќе нема да му се повтори таков потег, па наредниот период ќе се обиде да му помогне на тимот да ги оствари посакуваните резултати во отсуство на Мбапе.

Многумина судиски експерти се согласија дека Ендрик требало да добие црвен картон, а тоа го зборуваше и тренерот на Алавес на прес-конференцијата по натпреварот.

¡LE PEGÓ DONDE MÁS DUELE! Por esta patada a Santiago Mouriño, Endrick se ganó la amarilla sobre el final del partido. pic.twitter.com/osaHp9Od7Q

— SportsCenter (@SC_ESPN) September 24, 2024