Емотивно видео кружи на социјалните мрежи: Последниот поздрав на Сарчевиќ со своите ракометарки пред да почине

Смртта на легендарниот поранешен хрватски ракометар и сегашен тренер, Златко Сарчевиќ го потресе целиот регион.

На Сарчевиќ му се слошило веднаш по натпреварот помеѓу Подравка и Локомотива додека давал изјава за медиумите, а по кратко време починал во болница како последица од срцев удар.

Неговата Подравка победи во хрватското дерби со Локомотива со резултат 32:29 што значеше и голема предност во битката за титулата во хрватскиот шампионат.

Токму поради тоа, по средбата ракометарките на Подравка ја славеа победата, а откако Сарчевиќ се поздрави со противничкиот тренер тргна во прегратка на своите ракометарки. За жал видеото од прославата е последното видео на Сарчевиќ кој заедно го слави успехот со ракометарките на Подравка.