Емини потпиша перманентен договор со Македонија Ѓорче Петров

Македонскиот прволигаш Македонија Ѓорче Петров дефинитивно ги обезбеди услугите на 21-годишниот Сефер Емини.

Емини кој е дете на „лавовите“ од Ѓорче Петров во изминативе месеци играше како позајмен од Акрон Тољати од Русија, но коцките се наместија и тој сега потпиша перманентен договор со својот матичен клуб.

-Голема беше желбата да се вратам во својот матичен клуб иако имав и други понуди. Благодарност до претседателот на клубот за тоа што брзо постигнавме договор, -порача Емини кој во првиот дел од шампионатот даде три гола и три асистенции на 13 натпревари за составот од западната скопска населба.