Емери за Рашфорд: Не ме интересира зошто го напуштил Јунајтед, но се радувам поради тоа

Астон Вила направи неколку промени во ростерот во зимскиот преоден рок, а еден од најатрактивните трансфер потези беше позајмувањето на Маркус Рашфорд од Манчестер Јунајтед.

Тимот до Бирмингем го доведе крилниот напаѓач кој не добиваше шанса кај Рубен Аморим, а менаџерот на Вила, Унај Емери вели дека е среќен поради целата ситуација и можноста да соработува со Рашфорд.

– Многу сум задоволен од нашите потези во јануарскиот преоден рок, а Рашфорд дојде откако имавме класичен разговор меѓу мене како тренер и него како фудбалер.

– Му посакувам само најдобро, не ме интересира зошто го напуштил Јунајтед, но се радувам дека такво нешто се случи.

– Ќе се обидам да му помогнам и да го вратам во препознатливата форма. За мене тоа ќе биде голем предизвик, – рекол Емери.