Поврзете се со нас

Англија

Емери бил против ангажман на историското засилување на Арсенал: Го побарав играчот кој сам не победи!

Објавено

на

Арсенал изминатото лето направи историски подвиг на трансфер пазарот, издвојувајќи неверојатни и рекордни 72 милиони евра за ангажманот на Николас Пепе, талентираниот крилен напаѓач на Лил кој имаше блескава сезона во француската Лига 1.

Сепак, најскапото засилување во историјата на Арсенал има навистина тежок старт на животот во Англија и дури западна во втор план под водство на Унаи Емери, а неколку месеци по отказот кој го заработи, шпанскиот стручњак се отвори и откри дека тој воопшто не сакал да го купи фудбалерот.

Емери обелоденува дека негов прв избор бил Вилфред Заха од Кристал Палас, фасцинантно продорниот фудбалер за кого сметал дека ќе може да добива натпревари за Арсенал.

– Го купивме Пепе минатото лето. Тоа е добар играч, но ние не ги знаевме неговите точни карактеристики и беше јасно дека ќе биде потребно време и трпение со него. Јас сакав некој друг, го побарав играчот кој е адаптиран на оваа лига. Заха добиваше сам натпревари. Не победи сам нас, победуваше сам и против Тотенхем, Манчестер Сити.

– Тој имаше неверојатни перформанси, но Арсенал ми порача дека гледа на иднината. Се сретнав со Заха и тој сакаше да дојде, но на крајот се купи Пепе, а не играчот кој сам не победуваше, – вели Емери за „Гардијан“.

Реклама
Реклама
Реклама

Популарни