Ембид ќе остане во Филаделфија до 2029 година, клубот ќе му исплати 300 милиони долари

Џоел Ембид уште долго ќе биде лидер на Филаделфија 76, клуб кој договорил продолжување на соработката со центарот на дополнителни три години.

Американскиот репрезентативец ќе биде под договор до сезоната 2028/29, за продолжувањето на дополнителни три години ќе добие 192,9 милиони долари, а до крајот на договорот ќе добие вкупно 299,5 милиони долари.

Ембид ги потврдил успешните преговори и неговата главна желба е да биде дел од 76-те до крајот на кариерата.

– Филаделфија е мој дом, сакам да бидам овде до крајот на кариерата.

– Ја сакам оваа заедница и се што ми овозможи мене и на мојата фамилија, но имаме незавршена работа. Вие момци заслужувате титула и мислам дека штотуку започнуваме, – напишал Ембид на својот Инстаграм профил.

Со одработување на целосниот договор, Ембид ќе стигне до сума од 518 милиони долари заработени на терен, четврта најголема сума во НБА историјата и сума која заостанува само зад заработката на ЛеБрон Џејмс, Стеф Кари и Пол Џорџ.